無端端試衫篇

前兩日上網睇睇下見到SHIN WEDDING有週年優惠, $3980有九套衫, 我緊係即刻報名啦, 超級平呀, 約左今日2:30去, 有兩套衫試,我等埋我朋友就沖上去啦, 入到去佢就俾我睇下D衫相, 衫款又少, 完全無FEEL 最終試左一件好LONITE既婚紗同一條紅色晚裝, 店員都好好態度, 但最終我都無JOIN到, 同埋佢只可以每件衫轉款一次同唔跟頭飾,拖尾又要加$500, 其實同我心水個D都係差三千幾蚊, 都係算數, 依D錢真係唔慳得架 試左衫都好既, 可以知自己想點, 要D咩衫, 敬酒都真係著唔到泡泡款, 我想見步如飛麻, 繼續到九月先再決定 我就係試左依兩件