初定蜜糖月去處 - 日本京阪神奈八日七夜自由行

經過幾番討論, honey開頭反對去大阪, 又話有幅射喎, 跟住我就諗去澳洲或者美國啦
點知honey突然又諗通左話可以去大阪喎, 佢話d幅射應該無嘜架喎, 真係咩都係佢話


而家超開心呀, 想去好耐既大阪終於有得去喇~ 溫泉,環球影城,懷石料理,和牛,河豚, 京城, 蟹蟹......我plan緊你地架喇

係香港擺完酒, 應該即刻要去honey鄉下擺多十圍, 之後等我fd結埋婚, 10月中就可以起程, 友人說已經可以見到一點點紅葉了, 依一年好忙呀, 整好多DIY同plan行程呀, 又係時候發揮我的小宇宙喇~~

beecrazy x 渣打 $800 b dollars

小女子又黎搵著數
beecrazy x 渣打 send左個電郵黎, 話同時申請兩張卡, 碌滿$3800就可以攞$800 b dollars, 即係可以係beecrazy任買$800團購, $3800對於我地將結婚既人黎講, 話咁易碌到啦, 我20號申請, 27號已經寄左張卡黎喇, 而家我年薪都唔夠數佢都批我, 真係...哈哈哈啦~~

有左$800, 雙方家長見面又可以慳多一筆了~~

citibank 出糧戶口

小女子又學人玩下出糧戶口賺錢法

1.先打電話預約, 額外送$100 惠康coupon
2.跟住去citibank開戶口, 要俾齊文件 (身份證,住址證明,收入證明就可以申請)
3.我選左1萬轉出糧, 連續3個月就可以攞$600 cash (但我會做6個月穏陣d)
4.申請完會俾$100 惠康coupon, 合共$200coupon+$600cash, 留黎買candy corner啲糖 (我咁慳家唔知honey知唔知呢~~)
5.幾日後就寄提款卡黎, 同埋我人生第一本支票簿

6.跟住去中銀搞自動轉賬,$45手續費, 完成

逸東送既免費三小時豪華平治轎車連司機服務

終於肯去book車喇, 依個優惠算係酒店送咁多樣野有用之一, 淨係俾隧道同泊車費, 仲有利是

send左email去, 即刻打黎confirm, 唔洗錢都咁有效率, 咁有服務, 抵讚~~
我暫定朝早用花車, 下午去外拍用依部車, bigday當日大約13:00~16:00啦, 前一個禮拜仲可改時間
13:00 沙田起步
14:00~15:00 尖沙咀1881
16:00 去酒店

去逸東攞帖+攞免費禮物

今日節目豐富, 之前係"囍訊"登記做會員同參加佢個d抽獎, 今日可以一次過攞哂免費禮物喇

同honey先去尖沙咀百利攞Charming Image Like Like有禮旅遊王電話卡一張及雙喜字樣拉花一套
下年honeymoon可以用喇





跟住去逸東攞帖 (點解要咁快攞帖?) 因為逸東改左名, 少左個"智"字, 連帖都轉埋款, 我地唔鐘意佢個新款, 舊款仲有存貨, 拿拿臨攞左先啦, 但拎死honey lu~


跟住去我心儀既禮服店舖hanayome 去攞埋囍訊既迎新禮物, 但去到竟然唔sell我喎, 拎左d單張就走左, 下次預約上黎試衫先
迎新禮物- welcome board都幾ok架, 我自己諗住再執下佢, 就可以出得大場面喇~~

收到第一份嫁妝~金介指~

多謝我姨姨送的結婚禮物, 好大禮, 好鐘意呀

香港婚紗暨結婚用品博覽 12-14/7/2013 & 中獎篇

又黎到婚前拍拖景點-婚展

結果都係用左 I-primo 免費入場方法入到會場, 真係有啲對不起I-primo, 攞左佢兩次著數, 但結果都無幫襯

行下行下諗住去凱瑟琳探下kiwi, 但今次佢唔係度喎, 但意外見到豪哥, 上次無同佢合照, 今次要補番喇, 佢仲記得我地, 仲好鐘意同我男朋友影相添(我好似陪襯)



豪哥禮物又出現喇, 成日都送野俾我地, 真係唔好意思喇, 上次個廿張相入左相簿都唔知係咪又係佢送俾我地
(今次我好蠢, 竟然唔問下豪哥做唔做part time, 諗住佢下次黎香港, 幫我地影下香港夜景麻)


再行下竟然見到建行, 之前我一直搵緊信用卡迎新著數, 建行係其中一張, 係會場仲有大抽獎, 仲可以抽完先申請添, 我果日唔知發生咩事, 六合彩只中廿蚊的我, 竟然俾我抽中兩次大獎, 第一次抽就抽中22吋電視機, 但因為已送出, 經理就話叫我再抽多次, 第二抽都係中大獎, XBOX360 連KINECT套裝, honey話我抽中個時o左咀, 無反應, 咁緊係啦, 咁大個女都未試過轉依個野中獎架, 出唔到聲, 但職員話要張卡批左先會送出, 堅野, honey超開心啦, 有得玩winning喇, 我又可以玩biohazard~~



影番張相留念先, 希望我既運數無咁快完啦


再行多陣, 有人sale緊回禮禮物, 話係英國皇室用既朱古力牌子, 但就要成$4x 一盒, 但之後俾我係sogo見到$100 for 3...... 好彩無被人呃啫
photo by sogo


Updated: 28/7/2013 真係收到建行發出既換領通知)
Updated: 29/7/2013 緊係第一時間去攞啦, 換哂就無喇, 仲有一隻games送, honey開心到忘我
老婆仔說: 生日禮物我送左俾你架喇~~ 錫住佢呀^^

SK☆Pre-wedding 香港篇 (free)

終於等到第二次pre-wedding, 係香港影似終有d歸屬感, 親切d呢~~

多謝姊妹amy幫我整左道具, 超靚超鐘意呢~~




化妝篇~

因為化妝師病了, 所以要去佢觀塘工作室度化妝set頭, 佢又無跟埋去影, 不過都應該keep到既, 但我對佢個妝同個頭好滿意, 化到我日本妹咁~~ 頭飾又好靚, 不過化慢左少少, 可能生病啦^^

攝影篇~
化完妝考慮左一陣, 都係飛的入到去赤柱先換衫, 因為遲左, 所以要先見一見攝影師同埋佢老婆(助手)先, 點知到達目的地時已經烏雲密佈, 點知去到赤柱廣場即刻落大雨, 攝影師話一係轉地方, 一係等一陣, 咁我覺得依度落雨都可以淨係影美利樓啫, 我ok架, 所以無轉地方, 換衫先^^
換換下衫, honey打黎竟然話佢無帶到恤衫, 下@@ 咁大獲, 諗住睇下商場有無得賣, 點知無喎, 咁大家一齊諗辦法, 但honey超down, 好似唔想影咁呀, 結果我幫佢諗左一個二世祖造型, 哈哈, 佢都滿意開心番^^
我地換完衫都仲落緊雨, 但細左好多喇, 先去美利樓影啦, 好多人都影婚紗相喎, 果然係熱門"影"點, 大約影左一個鐘到, 已經停雨了, 雨過天清, 仲陰陰地, 涼涼地, 好彩呀, 落雨之前應該超勁太陽, 見到個新娘背部紅哂, 我估佢中午個時曬親喇, 我地唔洗曬住影已經好好喇, 跟住玩下頭紗 (honey仲做埋台灣助手阿權, 扮風幫我飛起頭紗), 又玩下道具, 由3點幾影到7點幾, 超攰又肚餓呀, 仲攰過去台灣影
之後同攝影師佢地道別之後, 我地自己換番衫, 跟住跑去食野, 餓死我地喇, 又口喝, 哈哈, 仲被職員讚我靚^^ 女仔係鐘意俾人讚既

等收到相後再同大家分享, 介紹

d妝相係我返到屋企自己影既~~~

免費香港婚紗暨結婚用品博覽 2013 門票

香港婚紗暨結婚用品博覽 2013 門票 12/7-14/7

SKIP左兩期婚展都無去呀, 今次點都要去番, 當拍拖節目, 自已勁唔想俾$40入場費, 所以依幾日就周圍上網睇下有無免費飛攞, 哈哈, 終於俾我攞到^^

同場加映: 我係I-PRIMO又問佢攞, 但未知攞唔攞到~~

SK☆Pre-wedding 香港篇 (free) 準備

今次香港pre-wedding 一啲都唔緊張, 可能係免費啦, 如果今次影得唔好, 下次可以再用同一件衫影過, 今次當玩型式去影, 反正仲有咁多時間, 襯隻佬未有反對之聲, 拿拿臨影多幾輯, 哈哈~~ 咁當然希望影到我想要既野啦~~



日期: 2013-7-7(日)

攝影師: TY

化妝師: Vienna

地點: 赤柱

化妝時間: 12:00

化妝地點: 觀塘工作室

影相時間: 15:00-19:00

影相地點: 赤柱



準備東東:

1)自行修改緍紗 (自豪)

2)girdle+束褲

3)高跟鞋

4)花球

5)朋友仔AMY整左兩個心心氣球和一支花(期待)

6)頭紗

7)男伴自行解決(同台灣一樣啦)
8)利是??? (大家可唔可以話我知, 我洗唔洗俾呀?)

風格:
年輕女人味妝
大景(影景多過影人) / 浪漫 / 少少cool



希望個日唔好落雨, 唔好咁曬, 唔好咁多人, 有相再同大家匯報, 阿門!!!