SK Pre-wedding 進度

嘩嘩嘩!!!
BOOK影婚照個時係九月黎, 話咁快就過五個月了, 仲有十日就去影相, 心情複雜到解釋唔到, 我還以為男人唔緊依D野添, 但聽honey口吻佢都緊張喎, 又話要操體能(驚影個日頂唔住), 笑死我, 大部份既野都搞掂哂喇~

總結下先:

禮服:
五件禮服,我都擇左六件, 叫kiwi預留俾我到時即刻試, 其中一件係短婚紗(我唔會擇啦我對腳唔靚, 我淨係想試咋麻)
兩件西服到時擇一黑一白

配飾:
所有飾物凱瑟琳全部包哂,我唔洗煩

拍攝景點:
已經準備好,print 埋彩色hardcopy出黎, 到時等攝影師幫我地諗喇

其他:
除左honey件背心同我多一個花球未整外, 其他都準備好了, 去玩既行程都安排好哂, 網上簽証都搞掂, 可以出發了^^


今天係2月28日, 計計下我仲有一年零七個月就要嫁了, 個日快d黎就好喇

買蠟燭玩水燈

今日放工去ikea, 終於俾我搵到24粒裝小蠟燭喇,盛惠$17.9, yeah~ 仲差honey件背心, 同整埋另一個花球就搞掂哂喇, 準備飛喇^^ 買黎就係咁樣用喇

睇戲+白恤衫

今日honey話睇戲, 我去大家樂食完個早餐, 去埋個圖書館就出左紅磡,睇西遊記,仲有成兩個幾鐘先有得睇, 我地去左百利睇下恤衫背心,行行下仲撞到bobo,佢男朋友同bobo妹,世界真係, 原來佢地去左試衫, bobo佢係遲我兩個禮拜結婚架, 我地大家都搵大家做姊妹呀, 傾左一陣話遲d一齊去做姊妹裙, 之後我地繼續睇, 結果買左一件白恤衫$160, 但背心無size, 買唔到, 要星期二先有, 我地行哂3層,行左個幾鐘,好有心機睇呀,之後返去睇戲,套戲又幾好笑喎,跟住去左大家樂食扒餐,今日有收獲呀, 下個禮拜六可以唔洗出去買野喇

試妝+去高c屋企拜年玩13張

今日約左12點試妝, 十點幾就要起身, 我成個新年都無一日真正休息過,日日都出街,約左大肚carol同joey一齊去,個半鐘試左兩妝兩頭,因為我頭髮少,所以不停幫我來粟米頭,等d頭髮厚d, 我妝要求就係要青春,大眼, 我次次化妝都化到好成熟,一係隻眼化到好細,kelly都化到我好滿意, 但個頭就差d, 希望big day個日個妝同個頭都好正啦,我試埋高清噴槍,個感覺真係好舒服,好輕,好貼,好有光澤,好滑,結果加左錢join全日, 包六個妝,但我叫佢送多兩個妝俾我,而家有伴娘,媽媽, 奶奶, 新郎 各兩妝, 我仲加埋姊妹化妝,好,又完成一樣野喇,後尾我見到kelly facebook有我試妝相, 好難為情呢 kelly幫我落左少少妝, 之後同carol,joey去食lunch,又可以聚下,真係好開心呀,食完約左肥仔,佢啱啱攞左燒豬,我又買左盒士多啤梨一齊去高c度, shirley帶埋剛出世既囡囡一齊等高c開車過黎坑口站接我地,去到佢地已經開緊枱打牌,等左一陣就開始玩久違既13張,好懷念海通既日子,日日都是賭錢日,夜晚叫左pizzahut食,最後輸左$40,依個禮拜雖然好攰,但好開心呀

第一訂尾數+情人節婚展

今天很忙呀,放工後先去逸東俾埋第一訂尾數,之後攞番佢送既coupon和婚展入場卷, 即時去會展睇, 之後再到沙田明星海鮮舫同honey朋友食新年飯 咁放左工就約埋honey去逸東附近食lunch, 跟住去俾訂, 一坐低, gigi就拎左一堆酒店送既coupon俾我地, 但唔係張張都啱用,到俾訂既時候, 點知我唔記得帶中銀卡,做唔到分期,勁樣衰羅,雖然話可以唔做分期一次過俾哂, 但下個月去台灣影相, 最近仲book左好多野,要俾訂,暫時留多個錢係身好d,所以我再約gigi星期一再黎過,gigi都好好人,無黑面(不過我都知佢唔多高興) 之後就搭地鐵去會展,換飛都勁多人羅,排左幾個字,期間honey朋友打黎話想食飯前打牌,嘩頂~ 一有牌打honey就無心睇婚展,雖然我都有少少無心睇, 但我都圈低左幾間想睇,入到場即刻搵個幾間野出黎,攞哂d單張就走左,婚展都睇左幾次睇到麻目,暫時都唔想再去住, 之後就去搭巴士入馬鞍山開波, 打3番64,最後我同honey都只係各贏幾十蚊,之後搭的士去食晚飯,好似香港仔個間咁,去到honey的朋友派利是,多謝哂, 食到翅個時,d翅同湯係分開出,一堆翅咁食, 好正,但個湯係無味架 最後竟然每人要$388, 超貴羅, honey又話二百蚊左右既,跟住honey送我搭車, 682就係對面好近, 因為我第二日要早起,所以我走先,honey就同佢d朋友去玩三公, honey贏多d(結果贏左三百蚊)

情人節

今日honey送左一支玫瑰花俾我, 我問佢幾錢, 竟然要$100, 洗唔洗咁貴呀, 不過年年都有得收就好了, 夜晚同我表妹一齊去左藍灣咖啡室度食扒 多謝honey

買girdle,換台幣, 換攝影套餐

今日超多野忙呀, 一放工就join埋honey一齊去中環唱台幣,而家台幣都好高喎, 但依間百年換係最底架喇 @3.69 ~~ 之後行去上環食科記金牌豬扒飯,超想食好耐喇, 一黎度上環, 就有種好懷念的感覺, 超想返黎上環做野呀,科記凍檸茶好好味呀, 之後搭叮叮去鵝頸橋落, 去左四重奏, 去台灣前黎買兩盒先, 跟住去左蔡太度攞飛仔排隊買girdle, 之後即去左sogo換番monolisa既攝影coupon,仲諗住3月頭影埋添, 點知full哂, 六月先有期, 仲要平日既時間, honey都唔得啦, 睇黎要放棄依個優惠喇, 之後返番去蔡太度,好多人坐係度喎,頭先攞個no實過左啦, 跟住膽粗粗問下叫到幾號,佢又問我幾號,真係過左, 但佢好好人, 話下個到我, 唔洗等咁耐, 但入到去試左, 又要等蔡太黎睇下我個girdle點著,度下啱唔啱, 之後即改, 又要著番, 又要等蔡太黎睇, 等既期間我坐係間試身室度,淨係望住塊鏡,望住自己, 等下等下, 已經即刻入黎試, 都搞左半個鐘, honey就係出面等,真慘, 蔡太依間以為會平d, 但都係貴野,買左$360即改,職員仲叫我買埋條束褲成二百幾蚊, 真係要諗諗先, 跟住去埋ikea買蠟燭玩水燈,但我地唔洗買咁多, 結果無買, 星期一去九龍灣個間睇下有無得買少d先, 之後係銅鑼灣行左好耐搵野食, 結果去左一間韓國小店度食, 都幾好味, 唔洗一舊水, 依個下午真係好充實呀

Pre-wedding花球下 + 婚鞋

今日放工諗住去九龍城買蝴蝶酥送禮, 但點知去到話賣哂, 要初六先有貨, 結果係九龍城食晚飯,之後出番旺角去望望有利鞋店, 點知都好易搵又未關門, 就上去擇鞋,嘩!貴左咁多既, 其他blog友話數十元咋喎,而家最平都要$130, 跟住$150, 我就試左幾對,結果買左依對$130, 都平既, 如果可以既話, 我想big day個日都著得番呀




返到屋企,見有d時間, 好大決心整花球,原來都幾難整,整到頭暈暈, 好彩爸爸出黎打救我
我買個d絲花原來有鐵支,我真係無諗過依個問題, 好彩屋企有剪鐵工具,但以我力度係剪唔到, 又要靠我爸爸^^

首先分番開先, 準備工具



兩束鏽球花


兩束鬰金香


幾經辛苦, 終於剪開左一支支喇


跟住我砌個花球啦, 砌極都唔靚, 仲越砌越暈, 結果我爸爸走左出黎, 自己係度玩, 又俾佢砌到幾靚, 幾順眼,之後我包實佢同駁絲帶,完成





花球(4束絲花+絲帶+雙面膠紙) 合共HK$72.5
遲啲再買一條大絲帶駁蝴蝶先, 不過只此一次, 下次都係咪搞我

Pre-wedding花球上

星期六日同honey去左中山探婆婆,順便買整花球既材料,結果買左4束絲花(兩束鏽球花,兩束鬰金香), 合共人仔48蚊,抵! 但絲帶個d就買唔到lu, 順便去睇下物資平唔平, 點知貴過深圳,便打消左個念頭了

婚禮攝影confirmed

雖然到我bid day都有一段好漫長既時間,但我都搞左幾樣野, 今日仲搞埋攝影添, 其實半個月前honey已mark左台柱"小寶",但因為我為左啲cash dollar, 所以2月先傾,今日放工一去到金都,見到老闆steve好似好忙咁,舖入面都坐滿哂人,但steve見到我地佢就即刻收線話有生意做(我諗應該佢同佢d伙記傾緊),服務態度幾好 之前見到d blog友話會送到五樣禮品, 我地前一日就諗計點樣可以攞到五樣禮品, 呵呵~ 但我地一坐低, steve就問我地係咪xx介紹, 我就答:係呀, 唔知邊個邊個介紹......哈哈, 我話總之有人介紹啦 緊係認左先啦, 原本package包三樣禮品, 佢自動送多一樣 咁傾啦, 先傾1p1v, steve都有意無意sell下snapshot (其實我同honey一早已決定左要2p1v + 即晚派相), 但我地一開始就無講明我地點join, 好似淨係想要1p1v算,哈哈, 所以steve咪努力sell, 跟住我地話加snapshot再送多一樣禮品啦,佢都即刻答應,哈哈, 跟住再話加即晚派相...之後...策略成功, steve仲叫我地唔好周圍講 steve好好人,又nice, 結果我地好快手落訂,擇埋人選,係佢本期簿度仲貼住(黃紙仔)之前honey mark左既小寶, steve就同我honey講:我地係黃紙兄弟,哈哈 婚禮攝影: 純美新娘2p1v + 即晚派相 工作人員:攝影師小寶; 攝錄師steven; snapshot樹; 即晚派相(另找人員拍) steven仲會當晚即場剪埋片, 唔洗要d兄弟走黎走去,good good good